Новости 10 класс
Чарговы занятак ШАГ- 7 па тэме "Чыстае навакольнае асяроддзе - ключ да здаровага жыцця" праведзены для вучняў.
Адзіны ўрок памяці "Аб чым звоняць званы Хатыні?", прысвечаны Хатынскай трагедыі, сабраў васьмікласнікаў на сустрэчу з пракурорам раёна Пецэвічам А.І.
У адкрытым першынстве ДЮСШ па легкаатлетычных скачках памяці трэнера-выкладчыка В.В.Качука Дыпломам ІІ ступені па скачках у даўжыню і Дыпломам ІІІ ступені па скачках у вышыню ўзнагароджана Мілюк Дзіяна. Так трымаць!
У рамках прафілактычнай акцыі "Разам за здаровую будучыню" з вучнямі класа праведзена класная гадзіна "Абманлівы кайф" з праглядам і абмеркаваннем відэаматэрыялаў.
На ўрачыстай лінейцы, прысвечанай Дню Канстытуцыі Рэспублікі Беларусь, васьмікласнікі Мілюк Павел, Мілюк Дзіяна, Кароль Карына, Чура Ангеліна, Калянчук Аляксандр і Яскевіч Ілья атрымалі з рук Першага сакратара РК БРСМ Зельманчука В.А. падарункі - кнігу "Я грамадзянін Рэспублікі Беларусь" і новую рэдакцыю Канстытуцыі РБ. Віншуем!
У рамках Тыдня фінансавай граматнасці паміж камандамі 8 і 9 класаў праведзена гульня-віктарына "Фінансавы футбол". Перамагла дружба!
Праведзены трэці занятак "Бацькоўскага ўніверсітэта" на тэму "Асцярожна:суіцыд"
Класная гадзіна "Прафесія, якая чакае мяне!" у форме гадзіны-самапрадстаўлення з элементамі прэзентацыі праведзена ў рамках Тыдня па прафарыентацыі.
Хвілінай Памяці каля выставы герояў вайны ў Афганістане адзначылі васьмікласнікі памятную дату -15 лютага.
Мілюк Дзіяна ў складзе раённай каманды абараняла гонар раёна на Алімпійскіх днях моладзі Гродзенскай вобласці па гандболе ў другім туры. Вынік - Дыплом ІІІ ступені. Віншуем!
На ўроку беларускай літаратуры па тэме "В.Быкаў "Жураўліны крык": чалавек і вайна" вучні наведалі школьны музей. Каля экспазіцыі, прысвечанай Вялікай Айчыннай вайне, васьмікласнікі засяродзілі ўвагу на экспанатах, знойдзеных на тэрыторыі мясцовасці, выказалі свае ўражанні аб мужнасці і самаахвярнасці землякоў, ушанавалі памяць герояў.
Інфармацыйная гадзіна-памяць да Дня юнага героя-антыфашыста з выкарыстаннем дакументальных матэрыялаў праведзена ў класе.
Дыпломамі за І і ІІ месцы ў раённых спаборніцтвах па спартыўным скалалазанні "Калядныя сустрэчы-2022" узнагароджаны Мілюк Павел і Мілюк Дзіяна. Віншуем!
Другі занятак "Бацькоўскага ўніверсітэта" прайшоў пад назвай "Як зберагчы дзіця ад насілля". Паводле звестак Міністэрства статыстыкі РБ (2019) штогод насіллю падвяргаецца каля 40% школьнікаў.Задача дарослых зберагчы нашых дзяцей ад фізічнага, псіхалагічнага і сэксуальнага насілля. Як гэта зрабіць? Для абмеркавання бацькам было прапанавана падзяліцца вопытам па дадзенай праблеме.
Дзяўчынкі класа ў складзе спартыўнай каманды прымалі ўдзел у спаборніцтвах па міні-гандболе, дзе заваявалі ІІІ месца! Віншуем!
У рамках акцыі "Зімовы патруль" з вучнямі праведзена гутарка-навучанне па выкананню правілаў ТБ у час актыўнага адпачынку ў зімовы перыяд.
Прафілактычная гутарка-прагляд відэаматэрыялаў па тэме бяспекі ад ковіднай інфекцыі нагадала вучням пра захаванне ўсіх санітарна-эпідэміялагічных норм і асабістай адказнасці за сваё здароўе.
Дыпломамі за ІІ месца ў раённых спаборніцтвах па спартыўнаму арыентаванню папоўнілася скарбонка спартыўных перамог класа і школы дзякуючы Мілюк Дзіяне і Яскевічу Ільі. Віншуем!
2 лістапада вучні здзейснілі падарожжа па славутасцях маленькай радзімы: аддалі даніну павагі ахвярам ваеннай трагедыі ў в. Шавулічы, пазнаёміліся з прадметамі сялянскага побыту ў Крамяніцкім музеі, палюбаваліся тэхнікай на мехдвары в.Ялуцавічы. Яшчэ адзін дзень канікул праведзены цікава і з карысцю.
Паважаныя бацькі! Для карыснага правядзення восеньскіх канікулаў для вучняў класа арганізавана працоўная брыгада ( з 14 гадоў), школьны аздараўленчы лагер і экскурсія па маршруце Князева-Шавулічы-Князева- аўторак, 02.11.2021. Запрашаем васьмікласнікаў цікава і пазнавальна правесці канікулы.
