Кніжкіны сябры
У час вясенніх канікул на базе ўстановы праходзіў тыдзень дзіцячай і юнацкай кнігі.
Для вучняў 1-4 класаў бібліятэкарам гімназіі Нядзвецкай Л.І. была праведзена пазнавальная гадзіна слайд-шоў “Адкуль да нас прыйшла кн іга”, арганізавана экскурсія ў сельскую бібліятэку. Работнікамі бібліятэкі падрыхтавана забаўляльная конкурсна-гульнявая праграма.Таксама дзеці змаглі паглядзець з цікавасцю выступленне лялечнага тэатра чытачоў Зэльвенскай дзіцячай бібліятэкі. Для вучняў 5-8 класаў прапанавана віртуальнае падарожжа ў “Нясвіжскі замак” з праглядам відэафільма, адкрыты агляд літаратуры да 70-годдзя Вялікай Перамогі “Назаўсёды ў нашай памяці”, конкурс малюнкаў, “Мая любімая казка”, “Кніжкіны прыгажуні”, “Вайна вачыма дзяцей”. Для вучняў 7-11 класаў напярэдадні канікулаў дадзена заданне: віктарына да 70-годдзя Вялікай Перамогі. Пераможцамі аказаліся вучні 11класа (1месца), 9 класа (2 месца), 10 класа (3 месца). Віншуем з перамогай! Усіх дзякуем за удзел!
