Дзень дзяцінства
1 чэрвеня ў нашай краіне адзначаецца Міжнародны дзень дзяцей. Таму сёння на спартыўных пляцоўках і стадыёнах, парках і летніках чуюцца шматлікія дзіцячыя галасы, гукі вясёлай дзіцячай песні.
Калектыў Князеўскай школы далучаецца да віншаванняў самых прыгожых, самых разумных і самых кемлівых рабят, якія літаральна некалькі дзён напаўнялі гоманам і смехам школьныя калідоры. Жадаем вам, дарагія рабяты, добра адпачыць летам, набрацца сіл, каб з новымі сіламі і ідэямі прыйсці ў школу ў новым навучальным годзе.
Нагадваем, каб летні час прайшоў для вас з карысцю, прапануем вам гульні на школьным стадыёне пад кіраўніцтвам настаўнікаў, знаёмства з бібліятэчнай кнігай. Графік працы школы размешчаны на інфармацыйным стэндзе і ва ўкладцы "Лето на пользу - 2020".
