Вечар школьных сяброў
Першая субота лютага ўжо каторы год аддадзена ў распараджэнне выпускнікоў школ. Не стала выключэннем і субота 2018 года, калі ў сцены школы завіталі юбілейныя выпускнікі 1983, 1988, 1993, 1998,2003, 2008, 2013 і 2017 гадоў.
Вучні старэйшых класаў пад кіраўніцтвам настаўніцы музыкі Алены Мікалаеўны Шмыгінай, уласным жаданні падрыхтавалі святочны канцэрт, які не пакінуў абыякавым нікога, хто прысутнічаў у святочнай зале.
Вельмі прыйшліся па душы канцэртныя нумары ў выкананні Валодзі Ягорава, Маргарыты Мазец і Каці Саўко, спявачак Марыі-Малгажаты Лудзіч, Вікі Валюк, інсцэніроўкі Веранікі Саўко і Назара Палубка.
Парадавалі танцавальным нумарам дзяўчынкі 9 класа.
Шмат прыемных слоў адрасавалі гасцям школы вядучыя свята-- Дзіяна Бусловіч і Марцін Лудзіч.
