Спаборніцтвы "Суперледзі"
26 сакавіка ў Князеўскай школе прайшлі спаборніцтвы “Суперледзі”. Спаборніцтвы прайшлі ў 2 этапы. На першым этапе ўдзельнічалі дзяўчынкі 1-4 класаў. Ім неабходна было прайсці 7 станцый і выканаць 7 заданняў рознай складанасці і рознай накіраванасці (падыманне тулава, кіданне мяча, скачкі, дартс і др.). Дзяўчынкі з задавальненнем выконвалі заданні і змагаліся за тытул “Суперледзі”.
На другім этапе эстафету перанялі мамы навучэнцаў нашай школы. Ім неабходна было выканаць 5 заданняў, таксама розных па накіраванасці і складанасці. Спачатку няўпэўнена мамы прыступілі да спаборніцтваў, але , некалькі разоў паспрабаваўшы выканаць заданні, адчулі ўпэўненасць у сваіх сілах і з запалам уступілі ў гульню.
Усе ўдзельнікі былі ўзнагароджаны дыпломамі і салодкімі прызамі.
Вялікі дзякуй мамам, якія прынялі ўдзел у спаборніцтвах “Суперледзі”, а таксама дзецям, якія ў чарговы раз паказалі, што яны сябруюць са спортам.
