Сумесны адпачынак--карысны адпачынак
Учора, 11 жніўня, група педагогаў з гімназіі і нашых калег з Ялуцавіцкага дз-сада-базавай школы пасля заканчэння працоўнага дня прынялі ўдзел у сумесным адпачынку на базе палатачнага гарадка, што на беразе Зэльвенскага вадасховішча.
У тым, што такое баўленне часу будзе карысным, ніхто з прысутных не сумняваўся. А абсталяваная для адпачынку тэрыторыя гарадка, зняла шэраг арганізацыйных пытанняў. У праграме вечара была не толькі сяброўская атмасфера і жарты. Традыцыйныя шашлыкі змяняліся не менш традыцыйнымі напевамі пад акампанемент настаўніка-гітарыста Рамана Саўко, пад якія было арганізавана танцавальнае суправаджэнне.
Падводзячы вынікі сустрэчы, усе прыйшлі да высновы, што такія сустрэчы неабходна праводзіць не толькі для адпачынку педагогаў, але і наладжвання прафесійных кантактаў у плане абмену вопытам.
