Школьнаму музею новае жыццё
У той час, калі вучні ў шосты школьны дзень наведваюць факультатыўныя заняткі, заняткі па падрыхтоўцы да алімпіядаў, удзельнічаюць у дыстанцыйнай алімпіядзе па беларускай мове, заняты ў выхаваўчых мерапрыемствах шостага школьнага дня з педагогамі школы і работнікамі культуры, работнікі школы шчыруюць на добраўпарадкаванні школьнага музея.
Не сакрэт, што школа перажывае сваё новае адраджэнне. Пасля капітальнага рамонту даха, касметычнага рамонту класных памяшканняў поўнае абнаўленне чакае школьны музей. Сёння мужчыны, якія працуюць у школе, заняты абшыўкай сцен сайдзінгам.
А пакуль вядуцца рамонтныя работы памяшканняў, у школе праводзіцца акцыя "Знаходка для музея".
Дарагія работнікі і рабяты школы! Запрашаем вас прыняць удзел у зборы экспанатаў для папаўнення экспазіцый школьнага музея. Каардынатарам акцыі выступае адміністрацыя школы. Па любых пытаннях, якія датычацца накірункаў збору экспанатаў, звяртайцеся да дырэктара школы Наталлі Васільеўны Булак, намеснікаў Ганны Сяргееўны Раўко і Вольгі Мікалаеўны Наруш.
Цікавых і арыгінальных знаходак усім нам, аматарам захавання гістарычнай спадчыны нашых землякоў!
