Гудзеў кірмаш, весяліў гасцей
Традыцыйны восеньскі гімназічны кірмаш адгудзеў. Ён стаў своеасаблівым атрыбутам пераходу адной пары года ў другую, падвядзеннем вынікаў дбайнасці кожнага гаспадара-селяніна, а значыць і нашых гімназістаў.
Па добрай звычцы ў гэты раз было прадстаўлена мноства вырабаў дбайных гаспадынь-матуль нашых дзяўчынак і хлопчыкаў. Упэўнены, што такую смакату бацькі стваралі разам з дзецьмі. Да іх далучыліся і прадстаўнікі старэйшага пакалення--бабулі.
На сталах знайшлі сваё месца і садавіна з уласных падворкаў дзяцей, і разнастайныя забаўлянкі, і дыскі з рознымі мультфільмамі і кінафільмамі і інш.
Прыемна, што чутка аб кірмашы разносіцца не толькі сярод класных калектываў, але і насельнікаў аграгарадка. І ў гэты раз актыўнымі пакупнікамі выступалі не толькі вучні і работнікі гімназіі, але і бабулі і матулі нашых дзетак.
Выручаныя грашовыя сродкі будуць накіраваны на дабрачынныя акцыі, якія пройдуць у раёне ў пераднавагоднія святочныя дні.
Шчыры дзякуй усім, хто прыняў актыўны ўдзел у правядзенні мерапрыемства.
Фотосправаздача ў фотаальбоме "Восеньскі кірмаш"
